Մեր մասին

Մենք հավատում ենք, որ ցանկացած հիշարժան ռեստորան, ճաշացանկ, ուտեստ կամ շոկոլադի կտոր պետք է իր ուրույն ասելիքն ունենա: Այս սկզբունքին հետևելով ստեղծվեց մեր ընկերությունը և մեր ապրանքանիշը, որի անվանումը` romance raffinée, ֆրանսերենից թարգմանվում է «նուրբ սիրավեպ»: Իբրեւ շոկոլադի սիրահար արտադրողներ՝ մենք այսպես ենք բնորոշում մեր հարաբերություններն այս մոգական մթերքի հետ: Մենք ընտրել ենք ֆրանսերեն անվանում՝ նաև ի նշան ֆրանկոֆոն Եվրոպայում հեղինակային շոկոլադագործության ավանդույթների հանդեպ հարգանքի: Հետեւելով լավագույն ավանդույթներին` մենք միաժամանակ փորձում ենք հաստատել մեր ինքնությունը` հաճախորդներին առաջարկելով յուրահատուկ համային համադրություններով բծախնդրորեն մշակված տեսականի:
Մենք արտադրում ենք ձեռակերտ շոկոլադ և վստահ ենք, որ հենց սա է մեր արտադրանքի առավելությունը, որի որակը չի կարող վերարտադրվել մեքենայացված հոսքագծերով: Մեր ամենամեծ նվաճումը մեր հաճախորդների գնահատականն է: